Uber mi

Bisch du uf dr Suechi nach Wärbeartikel u Drucklösige wo zu dier passe u uf diner Bedürfniss abgstumme si? De bisch bi mier genau richtig!

Mit Liebi zum Detail u em Gspühri fürs Wäsentliche, gstalte i dier personalisierti Produkt für dis Unternähme, di Verein, zum verschenke oder dier sälber öpis z'gönne.

Bi mim viilsitige Sortimänt isch sicher öpis für di derbi. Wenn nid, denn schüch di nid z’frage ob i dis Wunschprodukt cha organisiere.

​

I bi s’Moni, ufgwachse i dr einzigartige Bärgwält vo Eiger, Mönch u Jungfrou. Mittlerwile bini im schöne Bärner Seeland daheime.

Scho sit chliins Meitschi hani geng gärn öpis Kreativs gmacht. Am liebste hani albe Sandchärtli gmacht mitem Muetti.

Im Bruefsläbe isch aber Ziit derfür no gly eis e chlei verlore gange u es het es Raschtli brucht, bis i umi voll und ganz zu mim liebste Hobby ha gfunde. Wo de e Plotter bi mier isch izoge, isch mis Agebot nadisnah grösser worde und i ha gwüsst, dass das mini Zuekunft söll wärde.

Eso isch mini Kreativ Wält im Jahr 2021 entstande. Voller Fröid, mit viil Härzbluet und gfüehlte unändleche Ideeni darf mis Gschäft stetig wachse.

​

Es macht mi sehr glücklech und dankbar we i mit mine Sache anderne Mensche cha e Fröid mache.

I fröie mi vo dier z’köre

Moni