Miner Agebot

Qualität fat für mi mit Ufmerksamkeit u persönlecher Begeisterig a. Jedes Projekt uberchunnt die nötigi Sorgfalt und Kreativität wos brucht, für es massgschniderets u hochwärtigs Endprodukt z'ubercho.

Mit Liideschaft, Präzesion u emene grosse Qualitätsaspruch entstöh Ergäbnis wo uberzüge. Ganz glich ob Einzelstück oder Grossuflage.

Textilie & Chleider

Arbeits-, Friiziit- u Vereins-Chleidig individuell bedruckt, hochwärtig veredlet u gmacht fürne starche Uftritt.

T-Shirt

Pulli

Jagge

Hüet

Hose

u.v.m.

Produkt afrage

Wärbeartikel füre Alltag

Produkt wo brucht wärde u derbi dini Botschaft mittrage.
So blibt dini Wärbig ganz sälbstverständlech im tägliche Läbe presänt.

Füürzüg

Chugelschriber

Meter

Schlüsselanhänger

Täsche

u.v.m.

Produkt afrage

Beschriftige & Drucksache

Sichtbar im richtige Momänt u genau dert, wo Ufmerksamkeit entsteiht.
Fürne Uftritt wo im Alltag nid übersehe wird.

Outobeschriftig

Schoufeisterbeschriftig

Schilder

Plakat bis A1

Laminierservice bis A3

u.v.m

Produkt afrage

Holzartikel u Gravur

Usgwählti Holzartikel mitere präzise Gravur veredlet.
So entstöh Produkt mit Charakter u wo im tägliche Gebruch uberzüge.

Schniidbrättli

Chochchelle

Fläscheöffner

Wyychiste

spez. Keramik Tassli

u.v.m.

Produkt afrage

Ergänzend si o chlineri Stick-Agebot erhältlech

Druck-Technike

Je nach Material cheme unterschidleche Drucktechnike zum Iisatz.
So entsteiht für jedes Produkt die passendi Lösig , abgstumme uf Funktion, Iisatz u die gwünschti Würkig.

UV-Druck

Ultraviolett-Druck isch es moderns Druckverfahre, wo spezielli Tinte diräkt ufs Produkt uftrage wird u aschliessend mit UV-Liecht usghertet.

Ergänzig UV-DTF*:

Tinte wird uf spezielli Folie (A-Folie) druckt
Druck wird mit Trägerfolie (B-Folie) laminiert
A-Folie abzieh und mit dr B-Folie ufs gwünschte Produkt uftrage

Vorteile:

Sofort trocheni Oberflächi
Erstklassigi Farbbrillianz
Druck uf vilne Materialie müglich (z. B. Papier, Kunststoff, Holz, Glas*, Metall*)
Chratz-& Wischfest

Typischi Awendig:

Füürzüg, Chugelschriber, Meter, Vorratsgleser, Wàrbeschilder, Magnet, Verpackige, Etikette, etc.

Folien-Textildruck

Motiv wird usere spezielle Folie usgschnitte u mittels Hitze-Transferpress ufs Textil ufpresst.

Vorteile:

langläbige u subere Druck
sehr gueti Farbintensivität
geignet für eifachi Logos u klari Design

Typischi Awendig:

T-Shirt, Hoodies, Jagge, Täsche, Hüet, Schlüsselahänger,etc.

DTF-Textildruck

Bim DTF-Druck (Direct to Film) wird z'Motiv mitere geignete Tinte ufne spezielli Folie druckt. Aschliessend wird es fiins Pulver uftrage wo bim erhitze u Presse uf Textil als Chläbschicht dient.

Vorteile:

Detailriich u farbintensiv
Für mehrfarbigi Motiv geignet
Liecht zum trage
Für chlini u filigrani Design

Typischi Awendig:

T-Shirt, Hoodies, Jagge, Täsche, Hüet, etc.

Sublimationsdruck

Bim Sublimationsdruck wird z'Motiv mit spezieller Tinte ufnes Transferpapier druckt . Aschliessend wird dr Usdruck uf Polyster beschichteti Materiali druckt. Derbi verbindet sich d'Farb direkt mitem Material.

Vorteile:

langläbige Druck
Erstklassigi Farbintensität
Chratz-& Wischfest

Typischi Awendig:

helli Polyester Textilie, Tassli, Fläsche, Schlüsselahänger, etc.

Sublimationsdruck isch nume uf polyester beschichteti Materialie möglech

Laser-Gravur

Bir Lasergravur wird z'gwünschte Motiv miteme präzise Laser durhaft i d'Oberflächei vom Material igraviert. Derbi wird die obersti Schicht vom Material dür Hitz abtrage, so entsteiht e fiini und durhafti Gravur.

Vorteile:

sehr edel u hochwärtig
durhaft Sichtbar, abriebfest
Läbensmittel geignet
Wätterbeständig

Typischi Awendig:

Schniidbrättli, Holzchiste, Läderartikel, Snappap, Aluplättli, etc.

Agebot afordere

Dis Produkt wird nach dine Wünsch beabeitet u gstaltet...

I fröie mi uf dini Kontaktufnahm, das mier zäme dini Idee chöi umsetzte...